Sunday, October 31, 2004
三文魚蛋炒飯
今日做左一個拿手小菜, 就係將昨晚剩餘的冷飯,
加上三文魚, 再打一隻蛋----
巧妙之處在於打蛋後, 繼續在鑊裡用蛋白炒飯,
讓蛋黃置於其中, 卻不打散它, 好有窩蛋牛肉feel....
哇.....yummy yummy.....
Saturday, October 30, 2004
應做唔做走去做網頁
哈哈...這邊廂不停說做論文做到死死下, 那邊廂學人走去做網頁,真抵死!呢個人都係唔抵可憐架啦!!
但無計啦, 好枯燥的不見天日式寫論文同返學, 會叫人身心俱疲, 斷絶六親!
剛收到香港朋友送過來的這個blogger, 一看之後竟然愛上了它,
覺得它好用好玩, 玩到愛不釋手....
整下整下, 整左幾件出來! ...出事啦!!
哈哈...但係又令到我鬼死咁開心, 成個人生猛晒, 做論文都醒神些!
這成為了我一個動力, 叫自己快些寫完論文, 可以把我在神學課程的所思所想整理下來, 又可以把過去在倫敦的文化生活好好整理下...想起都開心.
不過,玩時玩, 我又要返去繼續同methodology 搏鬥啦......
仲有幾多? 仲有一半囉!!!
這幾個blogs 係用來鼓勵自己之餘, 同世界「接軌」架!!(接鬼咩!!)
喂....留個言比我, 等我開心下啦, 唔該!! :p
唐人街豆腐花
整個星期都沒到外面好好舒展一下，今天和友人去了唐人街“大排檔“吃晚飯. 也許，今年巳經適應多了倫敦的價格,4.5英磅一碟飯,巳是相當不錯。
倫敦沒有真正的大排檔，可以讓我感受價廉物美的好處;
也沒有香港茶餐廳的常餐和怏餐，可以十幾蚊食一餐飽。
有時好想吃點中國菜(真係清炒菜咋喎),哇!也要參不多七磅,問你點食?都係吃我最喜歡的义雞飯, 或者豉椒排骨炒河好過!
今日見到3磅一個豆腐花，好想食，但真係吾捨得！
無法啦，鬼叫自己係海外（好）流（好）忙的窮鬼學生咩！
我跟自己說：「下次想食，一定要食！」
Friday, October 29, 2004
Literature Review
馬馬虎虎地完成了論文的簡介和literature review...心情頓然變得輕鬆了點．雖然還有一半，但總算把最objective 那一部份完成了．
希望快點寫完整份論文，把餘下來的時間用來好好享受倫敦的生活．
在這裡，有太多的事想做．．．
倫敦，真是一個很好體驗文化的地方．
Saturday, October 23, 2004
心情有點悶
這兩天的感覺有點悶....
忙碌為了什麼? 是為了充實，叫人生不致太過空洞?
人生為了什麼? 追求一種怎樣的生活?
忙碌與閒懶之間... 踏實與浮游之間...
熱情與冷淡之間... 情感與理智之間......?
Friday, October 22, 2004
Monday, October 18, 2004
Subscribe to:
Posts (Atom)
