Tuesday, July 18, 2006
唔駛做
好想講一些可能是世上超過一半人口都想說／都曾說過的話：
「我是不適合工作的。」
「最好就係唔駛做。」
「有人養唔駛做就好啦。」
人返工我返工，我真係衰在做人太認真，做乜都出盡全力做。
所以我真係唔適合工作的。
又或者，我唔適合做一些我覺得有意義的工作。
又或者，我唔適合做那些會給我壓力的工作。
我唔識偷工減料，又唔識側側膊唔多覺；
唔識放工比自己休息，又唔識做唔掂由得佢。
在香港的感覺也許真的太忙，
完全感受不到自己有享受生活的一刻。
真係最好就係唔駛做，好似之前兩年咁；
又或者，找一份好似唔駛點做的工，等五點半放工果隻。
又或者，唔知有無有錢人介紹，搵個人養都好呀
呀．．．發吓夢先
每天可以睡到十點幾
然後施施然食個豐富早餐、嘆份報紙
跟住攤係梳化看午間劇場
或者約期做美容
下午就找一間精緻的食店吃午飯
逛一陣街之後就去游水
然後去CitySuper買喜歡的食物
想食乜就買乜，唔怕貴又唔怕肥
晚上相約三五知己良朋
飽吃一頓、把杯談心
哇～～～人生享受莫過於此
一邊寫一邊想起身邊的好友
其實好多人唔駛有人養
都能享受這種「搵個人養」式的生活
唉．．．想到自己
做人做到我咁都幾失敗
Subscribe to:
Post Comments (Atom)
5 comments:
其實，我現在啲生活都差唔多係咁。今日下午走在旺角街頭，我跟自己說，咁得閒既生活真係好！兩個小時後，有人問我有冇興趣幫佢做份全職工，我什麼仔沒問，便說：「我不會考慮了！」
生活是可以由自己決定的，我覺得！
這絕對是選擇! 要為自己的選擇負上責任啊!
「找一份好似唔洗點做的工，等五點半放工果隻。」
回應:你現在的工作合約就是寫明五時半放工, 只是你不去放!
「唔知有無有錢人介紹，搵個人養都好呀!」
回應: 你依家果個好朋友都不錯, 已經世間罕有,你不要, 大把人要! 好男人不易找,好就你的男人更難找, 周街都係麻甩,俾你大把錢,如果那件係一名麻甩佬, 感覺同姑姑被道士姦污無分別!都係令愛姑姑的人惡心!
人生就是不要問點解! 有機會就要把握. 有得做就就好,有得愛就愛到底! 上天俾你行第一步, 你要好好行第二步, 自然,就會有第三步讓你行! 回頭望, 不單無補於是, 還會浪費時間. 人生已行了一小半, 所餘數十年, 轉眼就過,回望只適宜死前十小時好好的回想和總結, 現在首要工作,就是活好劇內主角的戲份!
仲有, 我覺得天天行街shopping其實好痛苦,因為你會問, 我生出來就是如此無聊?
一點兒成就都無?難到,我是地球的廢物?
其實最好是讓自己滿足,讓他人滿足.
所以我想將來退休後會做義工, 為有須要的機構做拍片的工作.(如果將來我依然愛拍片的話).
其實我很喜歡現在所做的工作,只是太忙,叫我身體好累, 如果我懂得放鬆一點, 已經好好多
Post a Comment